星空下的仁醫｜鍾嘉欣喪子爆喊戲令觀眾感虐心 「做媽咪後喊戲深層次咗…」

由鍾嘉欣、鄭嘉穎、馬國明及周家怡等合演台慶劇《星空下的仁醫》，今個星期踏入結局周，主角的去向到了關鍵時刻，劇情更是勁洋蔥，務求令觀眾自備紙巾追劇。昨晚（15日）劇情講述戲中鍾嘉欣不幸感染上「第五病」，令腹中胎兒（Heman）不保，鄭嘉穎親手搶救也無效，流下男兒淚向BB告別：「對唔住，叔叔救你唔到！」；鍾嘉欣之後抱住兒子遺體時，在病床上激動爆喊，並自責說：「對唔住呀！媽媽害死你呀！」，這兩場戲令觀眾睇到勁感虐心，被鍾嘉欣同鄭嘉穎的超班演出，深深帶入角色的無助、傷心及自責的世界，兩人更同時獲得坊間一致好評。

{{hket:inline-image name="11162104.jpg"}}{{/hket:inline-image}}

{{hket:inline-image name="11162105.jpg"}}{{/hket:inline-image}}

同場加映：廣告酬勞飆升｜MIRROR成員傳出騷身價高達50萬 AK：希望報道講嘅係真

{{hket:ul-video id="4653"}}{{/hket:ul-video}}

鍾嘉欣繼《再創世紀》（2018年）後再演《星空下的仁醫》，演技並沒有生疏外，還有極大進步，尤其是昨晚一集講她喪子戲，更是演技大爆發。劇中講她因工作不幸感染上「第五病」，影響到腹中胎兒（Heman）安危，BB要做手術提前出世，可惜最終搶救無效，當醫護人員帶BB遺體進病房時，鍾嘉欣已經哭成淚人，抱住兒子時悲痛又自責說：「仔，你有病呀…，Heman，對唔住呀！媽媽害死你呀！我唔想㗎，仔！」

星空下的仁醫│鍾嘉欣回港拍劇思鄉病發陷焦慮 同老公有共識唔迫仔女讀醫演戲【下一頁】

之後另一場戲是講鍾嘉欣睇完手術報告後，指責鄭嘉穎為何沒好好照顧她兒子，無奈自認出現了幻覺，明白BB已經離開的事實，可是內心是很捨不得，不想做人如此清醒，恨自己連sorry機會也無得講，並在鏡頭前爆喊話掛住BB，充份表演出那種切膚之痛，令觀眾感到媽媽失去兒子的痛。其實鄭嘉穎私下改寫報告，將一切事情攬上身，變成是他錯誤決定令BB死去，希望藉此令鍾嘉欣走出自責的陰霾，而他這集亦發揮其視帝級演技，跟鍾嘉欣完美演繹這幾幕勁洋蔥的重頭戲。

不少網民事後到TVB facebook留言，勁讚鍾嘉欣及鄭嘉穎的演出，「這一集太催淚了，嘉欣最佳女主角非你莫屬！」、「TVB應該頒發最佳女主角畀鍾嘉欣小姐」、「今晚這集，BB出生好真實，嘉穎做得超好，佢同嘉欣相擁痛哭，我睇完忍唔住眼濕濕！今年香港最佳劇集當之無愧！」、「今集鄭嘉穎、鍾嘉欣、羅子溢做得真好」、「呢集比前幾集更催淚，睇到個BB即時喊咗，呢套劇真勁每集都另人心情起伏！」、「而家每晚一睇仁醫，必定攞定紙巾」、「噚晚呢集堅到呢......攞個B出嚟勁真實，加埋嘉欣啲表情，真係咇咗眼淚出嚟。」及「最佳男主角應該給鄭嘉穎」等等。

大方認37歲│鍾嘉欣生日開直播慶生仔女亂入 爆子女煲《愛回家》學廣東話【下一頁】

鍾嘉欣亦越洋多謝外界的讚賞，並分享她個人感受，「自己進入咗另一階段，做咗媽咪，所以處理喊戲時會唔同咗，因為要顧及嘅嘢多咗，會好自然地深層次咗。兩場喊戲都係由心而發、順其自然，我只係投入角色，畀自己嘅身體語言同思維自然流露出嚟，再隨住劇本嘅帶領以及當日嘅狀態，盡我全力去做好佢。（網民認為是視后不二之選？）再次多謝大家支持，真係對我好大鼓勵，我都有成5、6年冇乜演過戲，大家都仲記得同支持我，我非常感動。我對自己演出係有信心嘅，畢竟我演咗戲十幾年，未結婚之前我都拍咗成40部劇，有好多訓練同進步嘅機會。『章以芯』係我好期待去演，亦好感恩呢個角色畀咗我好多學習機會，無論演戲抑或處事，我好多謝呢個角色。」

（↓點擊放大睇圖片↓）

鄭嘉穎今日（16日）出席《仁醫》的宣傳活動，多謝觀眾支持外，又指劇中逼真的道具BB是物有所值，「呢個假嘅BB真係做得好真，直頭真到可以拍close up，聽講好似要5位數字做呢個假BB，真係物有所值。」他更指這些爆喊場面會要求一take過拍攝，「因為第一take嘅眼淚同感覺係最真，我會要求近鏡去拍，如果唔得最多都係2 take，如果要拍到第3 take就會畀人覺得係『做』出嚟。（鍾嘉欣演出受讚賞？）我都慶幸遇上嘉欣咁有經驗嘅對手。」

撰文：梁榮達

U Lifestyle App自家節目登錄《U TV》專區！

↓↓試玩、試食、試用影片任您睇↓↓

【立即體驗】

{{hket:inline-image name="APP1.jpeg"}}{{/hket:inline-image}}

{{hket:inline-image name="APP2.jpeg"}}{{/hket:inline-image}}

{{hket:inline-image name="APP3.jpeg"}}{{/hket:inline-image}}